Soscadissa. "Gerard Tautil a contratèmps". Alan Roch

Gerard Tautil, engatjat dins lo moviment politic occitan dempuèi la fondacion de Volèm Viure Al País, cavilha obriera del Cebier, fa regulièrament lo punt amb sos libres sus la situacion politica generala e los enjòcs pels Occitans e per Occitania. 

 

Aprèp Robert Lafont et l'occitanisme politique (Fédérop, 2011), Psicòsi au Palais (IEO - Ensages, 2016) e Le roman national français au défi de l'extrême-droite (L ' Harmattan, 2017), ven de publicar, dins la colleccion Ensages de l'IEO, un obratge de 166 paginas : Contratèmps-Letras sus l'Occitania e l'occitanisme. 

 

Insistís sus l'evolucion de las situacions que complexifian l'accion occitana dempuèi que Robèrt Lafont denoncièt lo colonialisme interior : 

• la lenga qu'es lo ciment de l'occitanitat èra plan presenta dins las annadas 1970 amb d'occitanofònes naturals ; çò qu'es pas mai lo cas a l'ora d'ara. 
• Euròpa que podiá èsser un esper a cabussat dins una acampada d'Estats quichats entre « una globalizacion economica radicala » e « (lei) tendéncias au replec nacionau », sus fons de logica liberala e de primautat de l'economic sul politc. Los Estats de l'Èst se replegan dins l'autoritarisme e lo populisme. Euròpa a pas de responsa de balhar als Catalans o als Escoceses en quista d'independéncia. 
• França contunha de jogar suls mots : de tèxtes en tèxtes supausats decentralizaires se cambia pas una pensada e unas causidas d'a fons centralistas. De mai, « lo monde de Macron que segue après d'autrei es lo maridatge d'interès privats e calculs politicians per servar lo poder centrau.» 

L'autor rapèla que la pandemia foguèt precedida de l'afar del sang contaminat, de l'afar Mediatòr, de l'escandal de l'amianta… Lo tot en correlacion amb la desagregacion dels servicis espitalièrs coma d'autres servicis publics. Gerard Tautil prepausa de « n'acabar ambe la benediccion d'un mercat au dessús de tot. » Çò que serà pas aisit vist que lo poder politic es « devengut dependent de fons en cima dau poder financier. » 

 

E lo moviment occitan dins tot aquò ? 

 

Lo moviment patís de : la separacion bèla entre accion culturala e accion politica ; los descopatges administratius, amb la darrièra avania : la creacion de la Region « Occitania »; lo temps de las mobilizacions bèlas per la lenga es passat ; tròp de divisions ; l'inexisténcia de demonstrança publica de l'occitanitat …  

 

Quand lo moviment se vòl balhar d'ample, coma Gardarem la Tèrra e sa proclamacion altèrmondialista, fa lèu quincanèla. Lo filosòfe s'estona dels prepausses anticentralistas d'Onfray (mas amb una pensada que « duerbe camins que menan enluec ») e l'istorian fa rampèl a las oposicions entre Proudhon e Marx.  

 

Unes desfís son de relevar :  

• Lo desfís de la lenga-cultura (capitol 5) : « La question linguistica es a la c rosiera dau viure ensems e d'una identitat dubèrta ai questions de la vida vidanta. »
• Lei desfís de la crisi ecologica ( capitol 6) qu'« impausa ribon ribanha, una redefinicion globala de çò qu'entendèm per uman, natura, cultura, territòri, politica. Fau tornar batre lei cartas. ». 
• Dins lo capitol 7 (M o v i m e n t s  sociaus e alternativa politica o c c i t a n a), l'autor se fa critic del moviment occitan (e del PÒC) en manca manifèsta d'estrategia cap a de revendicacions socialas, societalas e politicas claras. Plaideja per la naissença d'una APO (Agéncia de Premsa Occitana). Afortís que « Decidir au país es tras que d'actualitat ». 
• Dins lo capitol 8, considèra que l'Euròpa dels Estats jòga contra la democracia e balha per exemples lo sòrt de las regions d'Euròpa, la repression de la democracia catala na. 
• Espepissa puèi (capitol, 9), las solucions politicas possiblas : autonomisme, federalisme, nacionalisme. 
• Pensa (capitol 10) que per Euròpa « l' idèa federala que se desvolopa en nivèus divèrs es ara jugable » e demanda de faire «l'escomessa de l'Euròpa dei pòbles e dei regions ». 

 

Durbir pòrtas e fenèstras Es dins aquel objectiu que l'autor manda la man « a toteis aquelei que vòlon participar a l'elaboracion d'un projècte democratic occitan. L'occitanisme es d'en premier un engatjament per lo país, cadun pòu aduire sa pèira au clapier. » 

 

Per « la renaissença d'un occitanisme culturau e politic dubèrt ai questions d'encuei, comencem de durbir pòrtas e fenèstras de l'ostau Occitania. » 

C o n t r a t è m p s, aquí un libre de bon legir en se pausant un moment per soscar abans de tornar partir d'un bon pè. 

 

Alan Roch 

(Revista Occitania n° 235, Genier de 2023).

   

Réflexion

 

Gérard Tautil à contretemps

 

Gérard Tautil, engagé dans le mouvement occitan depuis la fondation de Volèm Viure Al Pais, cheville ouvrière du Cebier, fait régulièrement le point avec ses livres sur la situation politiue générale et les enjeux pour les occitans et l'Occitanie.

 

Après Robert lafont et l'occitanisme politique (Fédérop, 2011), Psicòsi au Palais (IEO-Ensages, 2016) et le Roman national français au défi de l'extrême droite (l'Harmattan, 2017), il vient de publier dans la collection Ensages de l'IEO, un ouvrage de 166 pages : Contretemps- Lettres sur l'Occitanie et l'occitanisme.

 

Il insiste sur l'évolution des situations qui rendent complexes l'action occitane depuis que Robert Lafont dénonça le colonialisme intérieur:

• La langue qui est le ciment de l'occitanité était bien présente  dans les années 1970 avec des occitanophones naturels; ce qui n'est plus le cas actuellement.
• L'Europe qui pouvait être un espoir s'est réduite à un rassemblement d'Etats étroitement dépendants "d'une globalisation économique radicale" et faite "de tendances au repli national", sur fond de logique libérale et de priorité à l'économique sur le politique. Les Etats de l'Est se replient dans l'autoritarisme et le populisme. L'Europe ne donne pas de réponse aux Catatlans ni aux Ecossais en quête d'indépendance.
• La France continue à jouer sur les mots : textes après textes supposés décentralisateurs, sa pensée ne change pas ni ses choix à fond centralistes.. De plus, "le monde de Macron après d'autres, est le mariage d'interêts privés et de calculs politiciens au service du pouvoir central."

 

L'auteur rappelle que la pandémie fut précédée de l'affaire du sang contaminé, de l'affaire Médiator, du scandale de l'amiante... Le tout en corrélation avec la désagrégation des services hospitaliers et d'autres services publics. Gérard Tautil propose d'en "finir avec la bénédiction d'un marché au-dessus de tout." Ce qui ne sera pas facile étant donné un pouvoir politique "devenu dépendant de fond en comble du pouvoir financier."

 

Et le mouvement occitan dans tout cela?

 

Le mouvement souffre fortement de la séparation de l'action culturelle et  de l'action politique; des découpages administratifs avec la dernière avanie, celle de la création de la Région "Occitanie"; le temps des mobilisations fortes pour la langue est passé; trop de divisions,l'inexistence de démonstration publique de l'occitanité...

 

Quand le mouvement veut s'élargir, à l'image de Gardarem la Tèrra et sa proclamation altermondialiste, il échoue. Le philosophe s'étonne des propos anticentralistes d'Onfray (mais avec une pensée qui "ouvre des chemins sans issue") et l'historien rappelle les oppositions entre Proudhon et Marx.

 

Des défis doivent être relevés:

• Le défi de la langue-culture (chapitre 5):"la question linguistique est au croisement du vivre ensemble et d'une identité ouverte aux questions de la vie quotidienne".
• Les défis de la crise écologique (chapitre 6) qui" impose  bon gré mal gré,une redéfinition globale de ce que nous entendons par humain, nature, culture, territoire, politique.Il faut rebattre les cartes".
• Dans le chapitre 7 (Mouvements sociaux et alternative politique occitane), l'auteur critique le mouvement occitan (et le POC) en manque évidente de stratégie face aux revendications sociales, sociétales et politiques claires.   Il souhaite la création d'une APO (Agence de Presse Occitane). Il insiste sur l'idée de "Décider au pays,  plus que jamais d'actualité".
• Dans le chapitre 8, il considère que l'Europe des Etats joue contre la démocratie et donne en exemple le sort des régions d'Europe, la répression de la démocratie catalane. 
• Il analyse ensuite avec précision (chapitre 9) les solutions politiques possibles: autonomisme, fédéralisme,nationalisme.
• Au chapitre 10, il pense que pour l'Europe "l'idée fédérale, qui se développe en niveaux divers, est jouable" et il demande da "parier sur l'Europe des peuples et des régions".

"Ouvrir portes et fenêtres", c'est dans cet objectif que l'auteur tend la main "à tous ceux qui veulent participer à l'élaboration d'un projet démocratique occitan. L'occitanisme et d'abord un engagement pour le pays, "chacun peut y apporter sa pierre".

 

"Pour la renaissance d'un occitanisme culturel et politique ouvert aux questions d'aujourd'hui, commençons par ouvrir portes et fenêtres de la Maison Occitanie."

 

Contretemps, voici un livre qu'il faut lire en se posant un moment pour réfléchir avant de repartir d'un bon pied.

 

Alan ROCH

 

(Revue Occcitania n°235, janvier 2023)